ទូរគមនាគមន៍
ផ្នែកទូរគមនាគមន៍ (Telecommunications Section) ទទួលបន្ទុកចាត់ចែង, រក្សា, និងជួសជុលទូរគមនាគមន៍, បច្ចេកវិជ្ជាផ្នែកព័ត៌មាន, និងប្រព័ន្ធបម្រាមដែលមានតាំងនៅពាសពេញទូទាំងរដ្ឋ ហើយនិងក្នុង មជ្ឈមណ្ឌលប្រតិបត្តិការគ្រោះអាសន្ន របស់រដ្ឋ ដែលទ្រទ្រង់ដល់គ្រប់មុខងារ និងកម្មវិធីទាំងអស់ក្នុងការគ្រប់គ្រងគ្រោះអាសន្ន។ ប្រព័ន្ធទាំងនេះសរុបមាននូវប្រព័ន្ធប្រុងជើងការគ្រោះអាសន្នទូទាំងរដ្ឋ, កម្មវិធីត្រៀមខ្លួនប្រឈមនឹងគ្រោះអាសន្ននៃគំនរស្តុកសារធាតុគីមី និងមូលដ្ឋានរលកវិទ្យុម៉ៃក្រូវវេវ 12 កន្លែងរបស់នាយកដ្ឋាន, ស៊ីរ៉ែន និងប្រព័ន្ធប្រុងជើងការ, ប្រព័ន្ធប្រុងជើងការថ្នាក់ជាតិ, ការព្រមានប្រាប់ឲ្យប្រុងជើងការញាប់ស្ទួនៗសំរាប់ការរញ្ជួយផែនដីខាស្កេឌា, សាខាផ្លាស់ប្តូរព័ត៌មានពីរកន្លែង, ម៉ាស៊ីនបម្រើការងារ 25 គ្រឿង, ម៉ាស៊ីនស្ថានីយការងារ 250 គ្រឿង, បណ្តាញវិទ្យុទូទាំងរដ្ឋបួនកន្លែង, បណ្តា់ផ្កាយរណប, ធនធានចល័តសំរាប់ដាក់ឲ្យបម្រើការពេលមានគ្រោះមហន្តរាយ, និងប្រព័ន្ធផ្សេងៗជាច្រើនទៀត ដើម្បីជួយធ្វើអន្តរាគមន៍ប្រទាក់ក្រឡាគ្នាជាមួយបណ្តាប្រព័ន្ធរដ្ឋាភិបាលសហព័ន្ធ, រដ្ឋាភិបាលរដ្ឋ, និងរដ្ឋាភិបាលមូលដ្ឋាន។
ផ្នែកនេះក៏ជួយផងដែរនៅក្នុងការបង្កើត និងការត្រួតពិនិត្យមើលផែនការគ្រប់គ្រងគ្រោះអាសន្ន និងដំណើរការនានានៅតាមគ្រប់លំដាប់ថ្នាក់នៃរដ្ឋាភិបាល ដើម្បីបង្កើនអតិបរមាណនៃចរន្តទាក់ទងរបស់បណ្តាប្រព័ន្ធទូរគមនាគមន៍នានា។ ទស្សនកិច្ចជំនួយបច្ចេកទេសត្រូវបានធ្វើឡើងជាប្រក្រតី ដើម្បីជួយផ្តល់ដំបូន្មាន, រក្សា, ឬជួសជុលទូរគមនាគមន៍ដែលតាំងនៅតាមគ្រប់មូលដ្ឋាន EOC និង/ឬមន្ទីរនានានៃតំបន់ខោនធី។ ផ្នែកបុគ្គលិកជួយទទួលភ្ញៀវ ឬក៏ចូលរួមជាមួយគណៈកម្មាធិការផ្សេងៗរបស់សហព័ន្ធ, រដ្ឋ, មូលដ្ឋាន, និងអង្គភាពឯកជននានា ដើម្បីបង្កើនឥរិយាបថសុវត្ថិភាពទូរគមនាគមន៍សាធារណៈនៃរដ្ឋវ៉ាស៊ីនតោន។
ប្រព័ន្ធទូរគមនាគមន៍ និងប្រព័ន្ធបម្រាមផ្តល់ការព្រមានឲ្យប្រុងជើងការជាដំបូងៗ ហើយនិងមធ្យោបាយនៃផ្លាស់ប្តូរព័ត៌មានសំខានៗ នៅមុនពេល, នៅក្នុងកំឡុងពេល, និងនៅក្រោយពេលមានគ្រោះមហន្តរាយ។ ប្រព័ន្ធទូរគមនាគមន៍ឲ្យសញ្ញាញាប់ស្ទួនៗជាទីទុកចិត្តគឺជាប្រព័ន្ធសំខាន់ចាំបាច់សំរាប់ឲ្យសញ្ញាព្រមានដល់សាធារណៈជន ព្រមទាំងរដ្ឋាភិបាលមូលដ្ឋាននានាអំពីគ្រោះអាសន្ន ឬក៏គ្រោះមហន្តរាយដែលកំពុងឈានចូលមកដល់ ដើម្បីជួយចែករំលែកព័ត៌មាន ហើយនិងសម្រួលដល់វិធានការឆ្លើយតបនានា។
ផ្នែកទូរគមនាគមន៍ផ្តល់ការគ្រប់គ្រងខាងផ្នែករដ្ឋបាលកិច្ចនៃ WebEOC, កម្មវិធីសូវត៍វារកុំព្យូទ័រផ្នែកការគ្រប់គ្រងព័ត៌មានគ្រោះអាសន្ន ដែលត្រូវបានតម្លើងលើប្រព័ន្ធម៉ាស៊ីនកុំព្យូទ័របម្រើការងាររបស់ EMD សំរាប់រដ្ឋទាំងមូល។ តាំងពីដាក់ឲ្យដំណើរការក្នុងខែវិច្ឆិកា ឆ្នាំ2003 មក, WebEOC ក្លាយទៅជាបទដ្ឋានឆ្នើមយ៉ាងឆាប់រហ័សនៅក្នុងរដ្ឋនេះ។ ការដាក់បង្ហោះឲ្យដំណើរការសាកល្បងជាមួយខោនធីឃីតសែបកំពុងតែប្រព្រឹត្តទៅ។
ផ្នែកទូរគមនាគមន៍មានបន្ទុកទទួលខុសត្រូវក្នុងការរក្សាដំណើរការ និងបញ្ជាប្រព័ន្ធទូរគមនាគមន៍នានាជាច្រើនប្រភេទរបស់រដ្ឋ ដែលគេបានប្រើប្រាស់ ដើម្បីទទួល និងផ្ញើសារទៅព្រមានប្រាប់រដ្ឋាភិបាលរដ្ឋ និងរដ្ឋាភិបាលមូលដ្ឋាន ហើយនិងសាធារណៈជនអំពីគ្រោះអាសន្ន និងគ្រោះមហន្តរាយដែលកំពុងឈានចូលមកដល់ ដើម្បីធានាឲ្យសមត្ថភាពទាំងនេះមានបម្រុង និង/ឬស្តារឡើងវិញដោយឆាប់រហ័ស ហើយនិងដើម្បីរក្សាបណ្តាញអ៊ិនធើណិត ឬវឹបសៃតិ៍នៃបណ្តាញអ៊ិនធើណិតរបស់ទីភ្នាក់ងារ។
 |
|