តើអ្នកត្រូវការម្ហូបអាហារប៉ុណ្ណា?

សម្ពន្ធភាពនៃអាហារកំប៉ុង បានផ្តល់អនុសាសន៍ថា

ចំនួនម្ហូបអាហារយ៉ាងតិចបំផុតគឺ

ម្ហូបចំនួនពីរកំប៉ុងក្នុងមួយថ្ងៃសំរាប់មនុស្សម្នាក់

និងទឹកចំនួនមួយហ្កាឡុងក្នុងមួយថ្ងៃសំរាប់មនុស្សម្នាក់

សំរាប់គ្រោះមហន្តរាយភាគច្រើន, យើងសូមឲ្យត្រៀមបម្រុងសំរាប់រយៈពេលបីថ្ងៃយ៉ាងតិច។ ការនេះគឺរាប់សរុបទាំងការទំនុកបម្រុងអាហារផ្គត់ផ្គង់ឲ្យបានគ្រប់គ្រាន់ និងទឹកយ៉ាងតិចមួយហ្កាឡុងក្នុងមួយថ្ងៃសំរាប់មនុស្សម្នាក់។

ហានិភ័យសុខភាព - ដូចជាចម្ងឺឆ្លងរាតត្បាតដ៏សាហាវនៃរោគផ្តាសាយធំជាដើម - តម្រូវឲ្យមានការរៀបចំផែនការទប់ទល់សំរាប់រយៈពេលយូរ។ អាចនឹងមានកាលៈទេសៈមកដល់ ដែលតម្រូវឲ្យហាងលក់ម្ហូបអាហារទាំងអស់បិទទ្វារ ដើម្បីជួយទប់ស្កាត់ការឆ្លបរាតត្បាតនៃជម្ងឺរោគាផ្សេងៗ។

ក្រសួងសុខភាព និងគ្រប់គ្រងគ្រោះអាសន្ននៃរដ្ឋវ៉ាស៊ីនតោនផ្តល់អនុសាសន៍ ឲ្យត្រៀមខ្លួនទប់ទល់នឹងជម្ងឺប្រភេទនេះសំរាប់រយៈពេលយ៉ាងតិចបំផុត មួយសប្តាហ៍។ កាលណាអ្នកបានបំពេញការត្រៀមសំរាប់រយៈពេលមួយសប្តាហ៍រួចរាល់អស់ហើយ - គួរគិតគូរដល់ការបន្តត្រៀមសំរាប់ពីរសប្តាហ៍ម្តង។

តើការផ្គត់ផ្គង់ម្ហូបអាហារសំរាប់គ្រោះអាសន្នរបស់អ្នកគួរសរុបមានអ្វីខ្លះ? សាច់កំប៉ុង, ផ្លែឈើនិងបន្លែកំប៉ុង, គ្រាប់ធញ្ញជាតិ, ផលិតផលទឹកដោះគោកំប៉ុង, អាហារកំប៉ុងដែលអាចបរិភោគបានភ្លាមៗ, និងស៊ុបកំប៉ុង។

ដូច្នះ, កាលណាអ្នកទៅទិញម្ហូបអាហារលើកក្រោយ, ចូរកុំភ្លេចទិញម្ហូបកំប៉ុងរបស់អ្នក ឲ្យលើសពីរកំប៉ុង សំរាប់ទុកជាអាហារផ្គត់ផ្គងពេលមានគ្រោះអាសន្នរបស់អ្នក។ ប៉ុណ្ណាទៅ?

ចូរចងចាំ - ចំនួនម្ហូបអាហារយ៉ាងតិចបំផុតគឺម្ហូបអាហារកំប៉ុងចំនួនពីរកំប៉ុងសំរាប់មនុស្សម្នាក់ក្នុងមួយថ្ងៃ និងទឹកចំនួនមួយហ្កាឡុងសំរាប់មនុស្សម្នាក់ក្នុងមួយថ្ងៃដែរ។

ការទូន្មានខ្លះៗ


វត្ថុគប្បីមាន	ជម្រើសរបបអាហារ
ទឹក	យ៉ាងតិចបំផុត 1 ហ្កាឡុងសំរាប់មនុស្សម្នាក់ក្នុងមួយថ្ងៃ នៅក្នុងពេលមានអាកាសធាតុក្តៅ ឬពេលណាតម្រូវឲ្យមានការបញ្ចេញសកម្មភាពខ្លាំងក្លា, គប្បីត្រៀមទឹកឲ្យបានច្រើន


វត្ថុគប្បីមាន	ជម្រើសរបបអាហារ
សាច់កំប៉ុង, ត្រីខកំប៉ុង, សាច់មាន់កំប៉ុង, សាច់មាន់បារាំងកំប៉ុង, ស៊ុបសាច់គោកំប៉ុង, ទឹកស៊ុបកំប៉ុង, គុយទាវស្ពែហ្គែតធី និងសាច់ប្រហិតកំប៉ុង, សណ្តែកដីកំប៉ុង, ប៊័រសណ្តែកដីកំប៉ុង	សាច់, ត្រី, មាន់បារាំង ឬមាន់ធម្មតា ។ល។ ៖ 1 កំប៉ុង សណ្តែក ៖ 1 កំប៉ុង ប៊័រសណ្តែកដី ៖ 1 ស្លាបព្រា សណ្តែកដី ៖ កន្លះអោនស៍ (ប្រហែល 2 ក្តាប់)


វត្ថុគប្បីមាន	ជម្រើសរបបអាហារ
បន្លែកំប៉ុង និងទឹកបន្លែកំប៉ុង	បន្លែ ៖ 1 កំប៉ុងធម្មតា ទឹកបន្លែ ៖ 1 កំប៉ុងតូច


វត្ថុគប្បីមាន	ជម្រើសរបបអាហារ
ផ្លែឈើកំប៉ុង, ទឹកផ្លែឈើកំប៉ុង, និងផ្លែឈើក្រៀម	ផ្លែឈើ ៖ 1 កំប៉ុងធម្មតា ទឹកផ្លែឈើ ៖ 1 កំប៉ុងតូច ¼ ពែងនៃផ្លែឈើក្រៀម


វត្ថុគប្បីមាន	ជម្រើសរបបអាហារ
ទឹកដោះគោ និងឈីសកំប៉ុង, ប្រអប់, ម្សៅ, ឬហ្សែល-ស្តេបូល	ទឹកដោះគោខាប់ ៖ 1 កំប៉ុងធម្មតា ទឹកដោះគោហ្សែល-ស្តេបូល ៖ 1 ប្រអប់ ទឹកដោះគោម្សៅ ៖ 1/3 ពែង ឈីសហ្សែល-ស្តេបូល ៖ 2 អោនស៍


វត្ថុគប្បីមាន	ជម្រើសរបបអាហារ
អាហារទទួលទានបានភ្លាមៗដូចជា សៀរីយ៉ូល៍, ខ្រាក់គ័រ, ព្រិតសិល, អ៊ិនស្តិន-អូតមៀល, និងផលិតផលធញ្ញជាតិមិនឆាប់ខូចផ្សេងៗទៀត	អាហារពេលព្រឹក-សៀរិយ៉ូល៍ ៖ 1 ពែង ខ្រាក់គ័រធ្វើឡើងពីធញ្ញជាតិសុទ្ធ ៖ 5 សល្តថាញ ៖ 7

ចំណុះឬទំហំប៉ុណ្ណា?

កំប៉ុងទំហំធម្មតា = ប្រហែលមានចំណុះ 15 អោនស៍
កំប៉ុងទំហំតូច = ប្រហែលមានចំណុះ 8 អោនស៍
1 ហ្កាឡុង = បួនដប ដែលក្នុងមួយដបមានចំណុះ 1 លីត្រ
1 ហ្កាឡុង = ពីរដប ដែលក្នុងមួយដបមានចំណុះ 2 លីត្រ

~ ផែនការសំរាប់ត្រៀមរៀបចំម្ហូបអាហារ និងទឹកសំរាប់បណ្តាទារក, អស់អ្នកដែលទាមទារនូវសេចក្តីត្រូវការពិសេស, និងសព្វសត្វចិញ្ចឹមរបស់អ្នក។ ~

កុំភ្លេចឲ្យសោះ - ចូររកប្រដាប់បើកកំប៉ុង ដែលអាចមួល ឬគាស់បើកនឹងដៃបាន បម្រុងទុកផង!

ព័ត៌មានពិស្តារបន្ថែមអំពីការត្រៀមជាស្រេច ៖

របៀបទុកទឹកដោយសុវត្ថិភាព (ទ្រង់ទ្រាយ PDF)
ត្រៀមបរិក្ខារក្នុងមួយឆ្នាំ - ការត្រៀមផ្ទាល់ខ្លួន និងសំរាប់គ្រួសារ
ការត្រៀមផ្ទះសម្បែងរបស់អ្នក - ការរៀបចំទុកជាស្រេច
បញ្ជីឈ្មោះនៃគ្រឿងផ្គត់ផ្គង់ម្ហូបអាហារគ្រោះអាសន្ន (ទ្រង់ទ្រាយ Word)
ប៉ុណ្ណាទៅ? ចូរចំណាំទំព័រសៀវភៅទុក


ភាសាអង់គ្លេស	ភាសាអេស៉្បាញ	ភាសារុស្ស៊ី	ភាសាចិន	ភាសាកូរ៉េ	ភាសាវៀតណាម	ភាសាខ្មែរ