សុវត្ថិភាពការបោនម៉ូណក់សាយដិ៍
តើការបោនម៉ូណក់សាយដិ៍ជាអ្វី? បម្រាម CO ឧបករណ៍រាវរកជាតិ CO
ការបោនម៉ូណក់សាយដិ៍អាចធ្វើឲ្យមានគ្រោះថ្នាក់ដល់ជីវិត
អ្នកមិនអាចមើលឃើញ ឬហិតក្លិនការបោនម៉ូណក់សាយដិ៍បានទេ, ប៉ុន្តែនៅពេលដែលសារធាត់នេះឡើងដល់កម្រិតខ្ពស់, វាអាចសម្លាប់មនុស្សម្នាក់តែមួយពព្រិចភ្នែកប៉ុណ្ណោះ។ ការបោនម៉ូណក់សាយដិ៍ (CO) បង្កវត្តមានរបស់វាឡើង នៅពេលណាឥន្ធនៈ ដូចជាសាំង, ឧស្ម័នហ្កាស, ប្រេង, ឧស្ម័នប្រូផេន, ឧស, ឬធ្យូង ត្រូវបានគេដុតបញ្ឆេះឡើង។ ប្រសិនបើគ្រឿងចក្រនានា ដែលដុតឥន្ធនៈជាថាមពល ត្រូវបានគេថែរក្សា និងប្រើប្រាស់ទៅតាមលក្ខណៈត្រឹមត្រូវ, នោះចំនួន CO ដែលបានបង្កឡើង ជាទូទៅ មិនបណ្តាលឲ្យមានគ្រោះថ្នាក់ទេ។
តែផ្ទុយទៅវិញ, បើគ្រឿងចក្រទាំងនោះមិនដើរការត្រឹមត្រូវ ឬត្រូវគេប្រើប្រាស់ដោយខុសទំនង, នោះកម្រិតគ្រោះថ្នាករបស់ CO អាចបង្កចេញជាលទ្ធផលក្នុងកម្រិតណាមួយមិនខានឡើយ។ រៀងរាល់ឆ្នាំ, មានមនុស្សរាប់រយនាក់បានស្លាបដោយចៃដន្យពីការទទួលរងផ្សែងពុល CO ដែលបង្កឡើងដោយដំណើរការខុសប្រក្រតី ឬដោយការប្រើប្រាស់ខុសទំនងនៃបណ្តាគ្រឿងចក្រ ដែលដុតឥន្ធនៈជាថាមពល។
រោគសញ្ញានៃការពុលផ្សែង CO ៖
- ក្នុងកម្រិតមជ្ឈិម, អ្នក ឬក៏គ្រួសាររបស់អ្នកអាចទទួលរង ៖
- ការឈឺក្បាលខ្លាំង
- ការវិលមុខ
- អារម្មណ៍ភ្លេចភ្លាំងស្មារតី
- អារម្មណ៍រមូលពោះចង់ក្អួតចង្អោរ
- ការធ្លាក់ទន់ខ្សោយកម្លាំង
- អ្នកអាចនឹងមានគ្រោះថ្នាក់ដល់ស្លាប់ ប្រសិនបើកម្រិតផ្សែងពុលទាំងនេះនៅតែបន្តអស់រយៈពេលយូរ
- រោគសញ្ញាក្នុងកម្រិតស្រាលអាចរួមមាន ៖
- ការដកដង្ហើមផុតៗ
- អារម្មណ៍រមូលពោះចង់ង្អួតចង្អោរល្មមៗ
- ការឈឺក្បាលល្មមៗ
- អាចនឹងមានផលប៉ះពាល់ផ្សេងៗដល់សុខភាពរបស់អ្នកក្នុងរយៈពេលយូរ
ដោយសារថា រោគសញ្ញាទាំងនេះមានសភាពប្រហាក់ប្រហែលគ្នាទៅនឹងជម្ងឺគ្រុនផ្តាសាយធំ, ជម្ងឺពុលអាហារ, ឬចម្ងឺផ្សេងៗឯទៀតផងដែរនោះ, អ្នកអាចនឹងមិនគិតថា ការពុលផ្សែង CO អាចជាមូលហេតុនោះឡើយ។
វិធានការដែលត្រូវអនុវត្ត ៖
បើអ្នកជួបប្រទះនឹងបណ្តារោគសញ្ញា ដែលអ្នកគិតថា អាចបណ្តាលមកពីផ្សេងពុល CO ៖
- ចេញទៅស្រូបយកខ្យល់អាកាសបរិសុទ្ធជាបន្ទាន់។ចូរបើកទ្វារនិងបង្អួច, ពន្លត់ម៉ាស៊ីន រួចហើយចេញពីក្នុងផ្ទះ ទៅស្រូបយកខ្យល់នៅខាងក្រៅ។
- ចួរធ្វើដំណើរទៅកាន់បន្ទប់នៃមន្ទីរសង្រ្គោះគ្រោះអាសន្នជាបន្ទាន់ ហើយប្រាប់គ្រូពេទ្យថា អ្នកសង្ស័យថារូបអ្នកអាចពុលផ្សែង CO ។បើផ្សែងពុល CO បានកើតឡើងមែននោះ, ជាញឹកញាប់ គេអាចធ្វើរោគវិនិច្ឆ័យមើលតាមរយៈនៃការធ្វើតេស្តឈាមបន្ទាប់ពីត្រូវបានប៉ះពាល់នឹងផ្សែងពុលប្រភេទនេះភ្លាម។
បម្រាម ៖
- កុំទុកឡានឲ្យឆេះចោលនៅក្នុងបន្ទប់យានដ្ឋានឲ្យសោះ បើទោះជាបន្ទប់នោះចំហទ្វារក៏ដោយ។
- កុំបញ្ឆេះម៉ាស៊ីនភ្លើងនៅក្នុងផ្ទះ, ក្នុងបន្ទប់យានដ្ឋាន, ឬក្នុងបន្ទប់ណាដែលមានដំបូលទាបៗឲ្យសោះ។ ការចំហទ្វារ, ចំហបង្អួច,
ឬការប្រើកង្ហារឲ្យជួយបក់ខ្យល់ នឹងមិនអាចទប់ស្កាត់ការបង្កផ្សែងពុល CO ឲ្យកាន់តែច្រើនឡើងៗនៅក្នុងផ្ទះបានឡើយ។ - កាលណាបញ្ឆេះម៉ាស៊ីនភ្លើងនៅខាងក្រៅផ្ទះ, ចូរដាក់វាឲ្យឆ្ងាយពីទ្វារ និងបង្អួចដែលបើកចំហ។
- កុំដុតធ្យូងនៅក្នុងផ្ទះ, ក្នុងថែន្ត, ក្នុងឡាន, ឬក្នុងបន្ទប់យានដ្ឋានឲ្យសោះ។
- កុំដំឡើង ឬប្រើប្រាស់គ្រឿងចក្រដែលដុតឥន្ធនៈជាថាមពលដោយគ្មានការយល់ដឹង, ការស្ទាត់ជំនាញ, និងឧបករណ៍ត្រឹមត្រូវឲ្យសោះ។
- កុំប្រើចង្រ្កានឧស្ម័ន, ឡឧស្ម័ន, ឬម៉ាស៊ីនហាលខោអាវដែលប្រើឧស្ម័នសំរាប់កំដៅខ្លួនឲ្យសោះ។
- កុំដាក់ក្រដាសហ្វូយល៍ទ្រាប់ពីក្រោមឡឧស្ម័ន ដោយព្រោះតែវាមានដំណើរប្រព្រឹត្តិទៅមិនសូវល្អឲ្យសោះ។
- កុំបញ្ឆេះគ្រឿងចក្រដែលប្រើឧស្ម័ន ដែលគ្មានការដំឡើងបំពង់ខ្យល់ឲ្យបានត្រឹមត្រូវ នៅក្នុងបន្ទប់បិទជិត ឬក្នុងបន្ទប់ ដែលអ្នកកំពុងដេកឲ្យសោះ។
ឧបករណ៍រាវរកជាតិការបោនម៉ូណក់សាយដិ៍
.ឧបករណ៍រាវរកជាតិការបោនម៉ូណក់សាយដិ៍គឺជាឧបករណ៍មួយប្រភេទ ដែលស៊ើបរាវរកវត្តមាននៃការបោនម៉ូណក់សាយដិ៍។ ប្រសិនបើជាតិផ្សែងពុលនៃ CO ក្នុងកម្រិតខ្ពស់ត្រូវបានរាវរកឃើញ, នោះឧបករណ៍នេះនឹងបញ្ចេញសម្លេង ដើម្បីប្រាប់ដំណឹងដល់រូបអ្នក ហើយនិងគ្រួសាររបស់អ្នក ឲ្យប្រយ័ត្ននឹងសក្តានុពលនៃហានិភ័យណាមួយ។ ចូរចាត់វិធានការជាបន្ទាន់ ហើយបើកឲ្យមានខ្យល់ចេញចូលនៅក្នុងទីកនែ្លងនោះ ឬមួយក៏ ត្រូវចាក់ចេញពីអាគារ ទៅរកទីមានសុវត្ថិភាពភ្លាម ប្រសិនបើរោគសញ្ញានៃការពុល (ដូចជាការភ្លេចភ្លាំងស្មារតី, ការឈឺក្បាល, ការរមូលពោះ, ការវិលមុខ, ការក្អួតចង្អោរ ។ល។) បានកើតឡីង (1)។
ការរកទិញឧបករណ៍រាវរក ៖
ឧបករណ៍រាវរកជាតិការបោនម៉ូណក់សាយដិ៍អាចមានលក់នៅតាមហាងលក់ទំនិញរាយ និងហាងលក់គ្រឿងសំណង់ភាគច្រើន។ ព័ត៌មានពិស្តារបន្ថែមអាចត្រូវរកឃើញនៅ Underwriters Laboratories, តម្រុយនៃសុវត្ថិភាពផលិតផល។.
ព័ត៌មានអំពីសុវត្ថិភាពការបោនម៉ូណក់សាយដី៍ជា ៖
ព័ត៌មានពិស្តារបន្ថែមអំពី ៖ ការបោនម៉ូណក់សាយដិ៍ (Carbon Monoxide)
ព័ត៌មានទាំងឡាយត្រូវបានប្រមូលផ្គុំពី ៖
WinterSafe, ការផ្សាយនៃការបែកចែកការគ្រប់គ្រងជាបន្ទាន់នៃ FEMA និង WMD
"ការពារគ្រួសាររបស់អ្នក ហើយនិងរូបអ្នកពីជាតិពុលនៃការបោនម៉ូណក់សាយដិ៍" E.P.A. Indoor Air Quality (គុណភាពខ្យល់ក្នុងផ្ទះ E.P.A.)
គណ:កម្មាការសុវត្ថិភាពផលិតផលសហរដ្ឋអាមេរិក
(1). Wikipedia - ឧបករណ៍រាវរកជាតិការបោនម៉ូណក់សាយដិ៍
 |
|