សេចក្តីផ្តើមចំពោះកម្មវិធីផែនទីសម្គាល់សង្កាត់ភូមិដ្ឋានរបស់អ្នក (MYN)
“ផែនទីសម្គាល់សង្កាត់ភូមិដ្ឋានរបស់អ្នក” គឺជាកម្មវិធីមួយដែលត្រូវបានរចនាឡើង ដើម្បីជួយបណ្តាសង្កាត់ភូមិដ្ឋាននានា ឲ្យត្រៀមខ្លួនប្រឈមនឹងគ្រោះមហន្តរាយ ហើយត្រូវបានផ្តល់ជូនតាមរយៈការិយាល័យគ្រប់គ្រងគ្រោះអាសន្នប្រចាំមូលដ្ឋានជាច្រើន។
សាច់រឿងសង្ខេបនៃកម្មវិធី ៖
- រៀនសូត្រអំពី “វិធានការ 9 ជំហានក្នុងការអនុវត្តន៍ជាបន្ទាន់ក្រោយពេលមានគ្រោះមហន្តរាយ” ដើម្បីពង្រឹងសន្តិសុខលំនៅដ្ឋានរបស់អ្នក និងការពារសង្កាត់ភូមិដ្ឋានរបស់អ្នក។ វាពិបាក់រកគិតពិចារណាអំពីអ្វីមួយឲ្យបានច្បាស់លាស់ណាស់ ក្រោយពីមានគ្រោះមហន្តរាយកើតឡើងភ្លាមៗ ហើយវិធានការទាំងនេះនឹងជួយអ្នក ឲ្យអាចអនុវត្តសកម្មភាពផ្សេងៗ ដែលជួយកាត់បន្ថយការខូចខាតឲ្យនៅតូចទាបបំផុត ព្រមទាំងជួយការពារជីវិតផងទាំងពួងបានយ៉ាងឆាប់រហ័ស ព្រមទាំងមានសុវត្ថិភាពផង។
- ត្រូវចេះសម្គាល់មើល ជំនាញការ និងសម្ភារបរិក្ខារផ្សេងៗដែលអ្នកជិតខាងខ្លួនមាន ដែលអាចប្រើជាប្រយោជន៍ដ៏មានប្រសិទ្ធភាពក្នុងការឆ្លើយតបទៅនឹងបញ្ហាគ្រោះមហន្តរាយ។ ការដឹងថាអ្នកជិតខាងខ្លួនណាម្នាក់មានសម្ភារ: និងជំនាញការអ្វីមួយជួយឲ្យការឆ្លើយតបនឹងគ្រោះមហន្តរាយរបស់អ្នកអាចប្រព្រឹត្តទៅបានឆាប់រហ័សទាន់ពេល ហើយថែមទាំងអនុញ្ញាតឲ្យគ្រប់គ្នាអាចចូលរួមឆ្លើយតបប្រកបដោយយុទ្ធវិធីមានន័យ។
- ចូរបង្កើត ផែនទីសង្កាត់ភូមិដ្ឋាន ដើម្បីសម្គាល់អស់ទីតាំងផ្ទុកធុងឧស្ម័នហ្កាស និងឧស្ម័នប្រូផេន សំរាប់ឆ្លើយតបឲ្យបានឆាប់រហ័ស ប្រសិនបើមានការចំាបាច់។
- ចូរបង្កើត បញ្ជីឈ្មោះសំរាប់ការទាក់ទងគ្នា ដែលជួយបញ្ជាក់លក្ខណ:សម្គាល់អស់បណ្តាអ្នកដែលទាមទារសេចក្តីត្រូវការពិសេសៗដូចជា មនុស្សចាស់ជរា, ជនពិការ, ឬកូនក្មេងតូចៗ ដែលអាចនឹងស្នាក់នៅផ្ទះតែម្នាក់ឯងក្នុងវេលាណាមួយនាអំឡុងពេលមានឧប្បត្តិហេតុ។
- ចូរធ្វើការរួមគ្នាជាក្រុម ដើម្បីវាយតម្លៃមើលសង្កាត់ភូមិដ្ឋានរបស់អ្នក បន្ទាប់ពីមានគ្រោះមហន្តរាយរួច ហើយចូរអនុវត្តវិធានការចាំបាច់នានាជាបន្ទាន់។
ចូរចងចាំ ៖ ក្នុងពេលមានគ្រោះមហន្តរាយ, ប្រភពជំនួយជាបន្ទាន់បំផុតរបស់អ្នកគឺបណ្តាអ្នកជិតខាង ដែលកំពុងរស់នៅជុំវិញខ្លួនអ្នក។ |
សំរាប់ព័ត៌មានពិស្តារបន្ថែម ៖ របៀបរៀបចំសង្កាត់ភូមិដ្ឋានរបស់អ្នក
បើអ្នកមានសំណួរ, សូមទាក់ទងក្រសួងអប់រំសាធារណៈ EMD តាមទូរស័ព្ទលេខ 800.562.6108 ឬតាមអ៊ីមែល ៖ PublicEducation@emd.wa.gov
 |
|