សំណួរចម្លើយសំខាន់ៗ ស្ដីពីជំនួយឧបត្ថម្ភគ្រោះមហន្ដរាយសំរាប់ក្រុមគ្រួសាររបស់លោកអ្នក

ផ្ទះរបស់ខ្ញុំ ទទួលរងការខូចខាតដែលបណ្ដាលមកពីគ្រោះមហន្ដរាយធម្មជាតិៈ ខ្ញុំត្រូវការជំនួយ។ តើខ្ញុំត្រូវទាក់ទងហៅទូរស័ព្ទទៅអ្នកណា?

ចម្លើយ៖ ប្រសិនបើលោកអ្នក ត្រូវការជំនួយបន្ទាន់ មានជាអាទិ៍ៈ បញ្ឌាស្បៀងអាហារ សំលៀកបំពាក់ និង/ឬ ផ្ទះសម្បែង សូមទាក់ទងទៅកាកបាទក្រហមអាមេរិកាំង។ ទី២ ទាក់ទងទៅភ្នាក់ងារធានារ៉ាប់រងរបស់លោកអ្នក ដើម្បីធ្វើការកំណត់មើលថា តើពួកគេនឹងធានាទៅលើការខូចខាតអ្វីខ្លះ? ទី៣ ប្រសិនបើលោកអ្នក ពុំមានថវិកាគ្រប់គ្រាន់ដើម្បីធ្វើការជួសជុលទេនោះ សូមទំនាក់ទំនងទៅធនាគារិកនៅតាមមូលដ្ឋានរបស់លោកអ្នក ដើម្បីរៀបចំសំណើសំរាប់កំចីមួយ។

ខ្ញុំ មិនមានទិញការធានារ៉ាប់រងនោះ ហើយក៏មិនអាចដោះស្រាយ បញ្ហាកំចីបានដែរ តើរដ្ឋអាចជួយខ្ញុំបានទេ?

ចម្លើយ៖ ជាការគួរឱ្យសោកស្ដាយណាស់ ដែលរដ្ឋមិនអាចជួយលោកអ្នកបាន។ នៅក្នុងធម្មនុញ្ញនៃរដ្ឋវ៉ាស៊ីងតោន និយាយថាៈ 'ឥណទានរបស់រដ្ឋ មិនត្រូវបានគេឱ្យខ្ចី ឬ ដាក់ឱ្យស្ថិតនៅជាជំនួយចំពោះបុគ្គល សមាគម ក្រុមហ៊ុន ឬ សាជីវកម្មណាមួយនោះទេ ទោះជាក្នុងលក្ខណៈណាក៏ដោយ។' ជាពិសេស ខ្លឹមសារនេះមានន័យថា ថវិកាដែលលោកអ្នកបង់ពន្ធជាប្រាក់ដុល្លារឱ្យរដ្ឋនោះ មិនអាចត្រូវបានគេចំណាយសំរាប់ជួយបុគ្គលណាមួយ ដែលជួបការប្រទះការបង់ខាតដោយសារគ្រោះមហន្ដរាយនេះឡើយ។ ខណៈដែលបញ្ហានេះហាក់ដូចជាពិបាកស្ដាប់បន្ដិចនោះ តើលោកអ្នកចង់ឱ្យថវិកាបង់ពន្ធរបស់លោកអ្នកទូទាត់ សំរាប់ការខូចខាតនានា សំរាប់ជួសជុលការខូចខាតរបស់មនុស្សម្នាក់ទៀត ដែលអាចនឹងទទួលកិច្ចគាំពារយ៉ាងងាយស្រួល បន្ថែមលើប័ណ្ណធានារ៉ាប់រងរបស់ពួកគេដែរឬទេ?

ប្រសិនបើរដ្ឋ មិនអាចជួយបាននោះ តើខ្ញុំត្រូវទៅរកជំនួយពី FEMA យ៉ាងដូចម្ដេច?

ចម្លើយ៖ លោកអ្នក មិនអាចទទួលបានជំនួយពី FEMA ទេៈ យ៉ាងហោចណាស់ ក៏រហូតដល់អភិបាលដាក់សំណើសុំការជួយពីរដ្ឋាភិបាលសហព័ន្ធ ហើយប្រធានាធិបតីត្រូវប្រកាសអំពីគ្រោះមហន្ដរាយធំមួយនៅក្នុងរដ្ឋ និង តំបន់ដែលលោកអ្នករស់នៅដែរ។

ពេលដែលអ្នកនិយាយដល់បញ្ហាគ្រោះមហន្ដរាយ តើអ្នកចង់និយាអំពីអ្វី?

ចម្លើយ៖ ពាក្យថាៈ " គ្រោះមហន្ដរាយ " មានន័យថា រឿងរ៉ាវផ្សេងៗគ្នា សំរាប់មនុស្សខុសៗគ្នា។ ប្រសិនបើ ផ្ទះរបស់លោកអ្នកមានការខូចខាត ហើយគ្មានការធានារ៉ាប់រងទេនោះ លោកអ្នកប្រហែលជានឹងនិយាយថា លោកអ្នកជួបប្រទះគ្រោះមហន្ដរាយមួយហើយ។ យ៉ាងណាម៉ិញ ច្បាប់រដ្ឋាភិបាលសហព័ន្ធកំណត់និយមន័យនៃពាក្យនេះ បានទូលំទូលាយជានេះ។ ដើម្បីទទួលបានជំនួយពីរដ្ឋាភិបាលសហព័ន្ធ ទាល់តែការខូចខាតនោះមានសភាពធ្ងន់ធ្ងរ ហើយមានផលប៉ះពាល់ប្រជាពលរដ្ឋទូទៅមួយចំនួនធំ។ ការដែលទឹកលិចផ្ទះរបស់លោកអ្នក តំរូវឱ្យលោកអ្នកចាំបាច់ត្រូវការជំនួយ ប៉ុន្ដែវាមិនមានលក្ខណៈវិនិច្ឆ័យគ្រប់គ្រាន់សំរាប់ការកំណត់របស់រដ្ឋាភិបាលសហព័ន្ធ ថាជាគ្រោះមហន្ដរាយបាន។ គ្រោះមហន្ដរាយមួយ ដែលបានកំណត់និយមន័យដោយរដ្ឋាភិបាលសហព័ន្ធ កើតមានឡើងនៅខណៈពេលដែលផ្ទះរាប់រយខ្នង ឬ ច្រើនជាងនេះ ទទួលរងនូវការបំផ្លិចបំផ្លាញ និង បានទទួលរងការខូចខាតធំៗ។

ខ្ញុំយល់ស្របអំពីបញ្ហានេះ! តើធ្វើដូចម្ដេចទៅដែលនាំទៅដល់ការធ្វើសេចក្ដីប្រកាសដោយប្រធានាធិបតី អំពីបញ្ហាគ្រោះមហន្ដរាយមួយ ប្រយោជន៍យើងខ្ញុំទទួលបាននូវជំនួយរបស់ FEMA បាន?

ចម្លើយ៖ គឹមានតែអភិបាលរដ្ឋប៉ុណ្ណោះ ដែលអាចដាក់សំណើទៅលោកប្រធានាធិបតី នូវសេចក្ដីអំពីគ្រោះមហន្ដរាយធំៗបាន។ ប៉ុន្ដែជាបឋម សំណើរបស់លោកអភិបាលត្រូវតែមានភ្ជាប់នូវរបាយការណ៍ ស្ដីពីការខូចខាតនៅតាមបណ្ដាតំបន់ដែលជួបប្រទះគ្រោះមហន្ដរាយ ដែលបង្ហាញឱ្យឃើញច្បាស់អំពីការដែលបានទទួលរងនូវការខូចខាតធំៗនោះដែរ។ និយាយជារួម ចំនួនខ្នងផ្ទះដែលបានទទួលរងការបំផ្លិចបំផ្លាញ ឬ ខូចខាតធំៗ ត្រូវតែមានរហូតដល់រាប់រយខ្នងនៅក្នុងគ្រោះមហន្ដរាយមួយ ដែលគេគិតថាវាធំដុំ ឬធ្ងន់ធ្ងរ។ ការចូលរួមរបស់លោកអ្នកនៅក្នុងដំណើរការនេះ គឺត្រូវរាយការណ៍អំពីការខូចខាតរបស់លោកអ្នក (បើទោះមានការធានារ៉ាប់រងហើយយ៉ាងណាក៏ដោយ) ទៅអ្នកដឹកនាំចាត់ចែងការសង្គ្រោះបន្ទាន់របស់អាជ្ញាធរមានសមត្ថកិច្ចតាមមូលដ្ឋាន ដើម្បីគេធ្វើការបូកសរុបរបាយការណ៍ផ្ញើជូនទៅអភិបាលរដ្ឋធ្វើការវិភាគអំពីបញ្ហានេះ។ វាមិនមានអ្វីនឹងកើតមានឡើងទេ បើគ្រាន់តែមានសេចក្ដីរាយការណ៍របស់លោកអ្នក និង អ្នកជិតខាងអំពីការខូចខាតនោះ។ ក្នុងករណីមានសេចក្ដីប្រកាសរបស់ប្រធានាធិបតី ជំនួយរបស់រដ្ឋបាលសហព័ន្ធអាចមានសំរាប់ចែកជូនប្រជាពលរដ្ឋ និង ទីភ្នាក់ងារនានារបស់រដ្ឋាភិបាលដែលមានកំរិតខូចខាតត្រូវទទួលជំនួយបាន។

ខ្ញុំបានធ្វើសេចក្ដីរាយការណ៍អំពីការខូចខាតរបស់ខ្ញុំទៅអាជ្ញាធរក្រុង ឬ តំបន់ ខណៈដែលខ្ញុំត្រូវបានគេគិតថាត្រូវធ្វើ ចុះហេតុអ្វីបានជាខ្ញុំនៅតែបានទទួលជំនួយរបស់ FEMA ទៀតនោះ?

ចម្លើយ៖ វាអាចមានហេតុផល៣យ៉ាងអំពីបញ្ហានេះ។ ទី១ៈ តំបន់ដែលលោកអ្នករស់នៅ អាចមិនស្ថិតនៅក្នុងកំរិតមួយសមស្របដើម្បីទទួលបានជំនួយរបស់រដ្ឋាភិបាលសហព័ន្ធ ហើយអភិបាលរដ្ឋមិនបានដាក់សំណើទៅប្រធានាធិបតី។ ទី២ៈ វាអាចថា សរុបការខូចខាតនៅតាមរដ្ឋ ឬ តំបន់ មិនមានតួលេខគ្រប់គ្រាន់ ដើម្បីឆ្លើយតបទៅនឹងអ្វីដែលរដ្ឋាភិបាលសហព័ន្ធកំណត់ថាជាគ្រោះមហន្ដរាយមួយ ហើយប្រធានាធិបតី បដិសេធសំណើរបស់អភិបាលរដ្ឋ។ ទី៣ៈ រដ្ឋាភិបាលសហព័ន្ធ អាចនៅធ្វើការគិតពិចារណាមិនដាច់ស្រេចអំពីសេចក្ដីសំរេចចិត្ដរបស់ខ្លួន។ ជាទូទៅ សំណើអំពីសេចក្ដីប្រកាសគ្រោះមហន្ដរាយដែលទទួលបានការយល់ ឬ បដិសេធ ត្រូវបានគេផ្សព្វផ្សាយទំព័រសារពត៌មាន។

ប្រសិនបើយើងគ្មានលក្ខខ័ណ្ឌគ្រប់គ្រាន់សំរាប់ការជួយឧបត្ថម្ភពីសំណាក់ FEMA ឬក៏ប្រធានាធិបតីបដិសេធសំណើរបស់អភិបាលរដ្ឋ តើមានជំរើសណាផ្សេងទៀតការទទួលបានជំនួយដែរឬទេ?

ចម្លើយ៖ បាទ/ចាស ... មាន។ ទីភ្នាក់រដ្ឋគ្រប់គ្រងរដ្ឋបាលជំនួញខ្នាតតូចរបស់សហរដ្ឋអាមេរិក ហៅកាត់ថា SBA អាចចេញសេចក្ដីប្រកាសអំពីគ្រោះមហន្ដរាយមួយបាន ដោយអនុលោមទៅតាមសំណើរបស់អភិបាលរដ្ឋ។ ប្រសិនបើបញ្ហានោះកើតមានឡើង SBA អាចផ្ដល់ ប្រាក់កំចីសំរាប់ដោះស្រាយបញ្ហាគ្រោះមហន្ដរាយ ចំពោះលោកអ្នកទាំងឡាយណាដែលជាម្ចាស់លំនៅដ្ឋាន អ្នកជួល សំរាប់ជំនួញខ្នាតតូចបានយ៉ាងច្រើនទៅតាមមធ្យោបាយដែលពួកគេត្រូវដោះស្រាយ ប្រសិនបើ ប្រធានាធិបតីបានប្រកាសថាជាគ្រោះមហន្ដរាយធំមួយ។ លើសពីនេះ ដើម្បីឱ្យមានលក្ខខ័ណ្ហពេញលេញសំរាប់កម្មវិធីនេះ អភិបាលរដ្ឋត្រូវតែមានលទ្ធភាពបង្ហាញឱ្យឃើញច្បាស់លាស់ថា 25 ផ្ទះ និង/ឬ មុខជំនួញនានា នៅក្នុងតំបន់ ឬ អនុអង្គភាពទ្រទ្រង់ណាមួយ គ្មានកិច្ចធានារ៉ាប់រងសំរាប់ការខូចខាត ដែលលើសពី 40 ភាគរយនៃតំលៃជំនួសត្រឹមត្រូវដែលបានប៉ាន់ប្រមាណទុក ឬ តំលៃត្រឹមត្រូវមួយគិតទុកមុនសំរាប់ទិផ្សារ ដែលមានតំលៃទាបជាង។ ជារឿយៗ រដ្ឋមិនបានឆ្លើយតបទៅតាមកំរិតនេះទេ ម្ចាស់ទ្រព្យសម្បត្ដិជាច្រើន បានអនុវត្ដការទទួលខុសត្រូវ និង ទិញការធានារ៉ាប់រង!

សូមបញ្ជាក់ឡើងវិញថា ដរាបណាលោកអ្នក និង ញាតិជិតខាងរបស់លោកអ្នក មិនទាក់ទងទៅអ្នករៀបចំចាត់ចែងដោះស្រាយបញ្ហាគ្រោះមហន្ដរាយ របស់អាជ្ញាមានសមត្ថកិច្ចមូលដ្ឋាន ហើយធ្វើសេចក្ដីរាយការណ៍អំពីការខូចខាតរបស់លោកអ្នក ប្រយោជន៍ពួកគេអាចរៀបចំចងក្រងរបាយការណ៍បូកសរុប សំរាប់ការវិភាគរបស់អ្នកដឹកនាំរដ្ឋទេនោះ នឹងមិនមានអ្វីកើតមានឡើងឡើយ។ SBA កម្មវិធីផ្ដល់ប្រាក់កំចីរបស់ មានបកស្រាយពេលក្រោយទៀត។

ប្រសិនបើ ប្រធានាធិបតីយល់ព្រមតាមសំណើអំពីសេចក្ដីប្រកាសគ្រោះមហន្ដរាយធំនោះ តើ SBA ផ្ដល់ប្រាក់កំចីឱ្យខ្ញុំប៉ុន្មាន សំរាប់ការជួសជុលផ្ទះសម្បែងរបស់ខ្ញុំ?

ចម្លើយ៖ នៅពេលប្រធានាធិបតីចេញសេចក្ដីប្រកាសមួយ អំពីគ្រោះមហន្ដរាយធំ ដែលរួមមានទាំងតំបន់របស់លោកអ្នកផងនោះ លោកអ្នកមានសិទ្ធិទទួលបានជំនួយ មានកំរិត ពីសំណាក់ FEMA សំរាប់សិទ្ធិជួសជុលផ្ទះសម្បែង ឬ ទិញថ្មី សំរាប់លំនៅដ្ឋានជាបឋមរបស់នរណាម្នាក់។ ការធ្វើវិសោធនកម្មថ្មីៗនេះ (2006)ទៅលើច្បាប់ជំនួយសង្គ្រោះបន្ទាន់សំរាប់គ្រោះមហន្ដរាយរបស់ Robert T. Stafford កំរិតនូវជំនួយប្រភេទនោះជាអតិបរមា$28,200នៅក្នុងឆ្នាំសារពើពន្ធរបស់រដ្ឋសហព័ន្ធ 2007។ ចំនួនទឹកប្រាក់ ត្រូវបានគេកែតំរូវជារៀងរាល់ឆ្នាំ ដោយអាស្រ័យលើតារាងតំលៃសំរាប់នៃអ្នកប្រើប្រាស់សំរាប់មុខទំនិញនៃអ្នកប្រើប្រាស់។

សំគាល់ៈប្រសិនបើផ្ទះមានបំណុលរំលោះ និង ការធានារ៉ាប់រងទទួលរងការបំផ្លិចបំផ្លាញនោះ ក្រុមហ៊ុនហិរញ្ញវត្ថុនោះនឹងនៅតែទាមទារការទូទាត់បំណុលទៅតាមសិទ្ធិផ្លូវច្បាប់របស់ពួកគេ។ ប្រសិនបើគ្មានអ្វីលើសពីនេះទេនោះ វានឹងធ្វើឱ្យលោកអ្នកជឿជាក់ចំពោះតំលៃដែលលក្ខខ័ណ្ឌការធានារ៉ាប់រងត្រឹមត្រូវ។

អុហ៍! តំលៃចំណាយនោះមិនជាច្រើនទេ។ ក្នុងករណីខ្ញុំមានការខូចខាតផ្ទះសម្បែងធំដុំ ជំនួយរបស់ FEMA នឹងមិនជួយអ្វីឱ្យបានច្រើនឡើយ។ តើមានអ្វីខ្លះទៀតដែលអាចរកបាន?

ចម្លើយ៖ ប្រសិនបើជំនួយជួសជុល ឬ ទិញថ្មីរបស់ FEMA មិនឆ្លើយតទៅតាមតំរូវការសំរាប់លោកអ្នកទេនោះ លោកអ្នកមានសិទ្ធិដាក់ពាក្យសុំកំចីដែលមានអត្រាការប្រាក់ទាបទៅ SBA បាន ក្នុងករណីដែលលោកអ្នកមានកម្មសិទ្ធិផ្ទះសម្បែង ជាអ្នកជួល និង ជាអ្នកធ្វើជំនួញខ្នាតតូច។ ច្បាប់កំរិតកំចីសំរាប់ការទិញផ្ទះសម្បែងរហូតដល់ $200,000ចំពោះសំណង់អគារ និង $40,000 សំរាប់គ្រឿងប្រើប្រាស់ខាងក្នុង។ លោកអ្នកត្រូវតែមានលក្ខណៈសម្បត្ដិគ្រប់គ្រាន់ ដើម្បីទទួលបានកំចីប្រភេទនេះច្រើន ដូចគ្នានឹងកំចីសំរាប់ការងារពាណិជ្ជកម្មណាមួយនោះដែរ។ ភាគច្រើននៃជំនួយរបស់រដ្ឋសហព័ន្ធ ដើម្បីសង្គ្រោះមុខរបររបស់លោកអ្នកពីគ្រោះមហន្ដរាយ ក្នុងទំរង់កំចីរបស់ SBA។

ប៉ុន្ដែ ខ្ញុំមិនចង់បានប្រាក់កំចីទេ ខ្ញុំមិនអាចដោះស្រាយបំណុលបាន ដូច្នេះបន្ទាប់មកមានអ្វីទៀត?

ចម្លើយ៖ ប្រសិនបើ លោកអ្នកមិនត្រូវការប្រាក់កំចីទេ ... នោះជាជំរើស ឬ ការសំរេចចិត្ដរបស់លោកអ្នក។ SBA នឹងជួយលោកអ្នកក្នុងការធ្វើសេចក្ដីសំរេចចិត្ដ ថាតើលោកអ្នកអាចដោះស្រាយបញ្ហាបំណុលបានឬអត់? វិធានច្បាប់សីពីបញ្ហាគ្រោះមហន្ដរាយរបស់រដ្ឋសហព័ន្ធ ចែងថា លោកអ្នកត្រូវស្នើសុំកំចីសំរាប់ដោះស្រាយគ្រោះមហន្ដរាយ នៅមុនពេលទទួលបានការពិនិត្យសំរេចឱ្យទទួលបានជំនួយបន្ថែម ប្រសិនបើលោកអ្នកមិនជាប់នៅក្នុងធ្វើតេស្ដ៍អំពីចំណូលនោះ។ ប្រសិនបើលោកអ្នក មិនដាក់ពាក្យស្នើសុំ នៅពេលទទួលបានសេចក្ដីណែនាំ ឬ បដិសេធកំចីក្នុងករណីលោកអ្នកទទួលបានការអនុញ្ញាតិ លោកអ្នកមិនមានសិទ្ធិទទួលបានជំនួយរបស់រដ្ឋសហព័ន្ធក្រៅអំពីការជួសជុល ឬ ទិញថ្មី ដូចដែលលើកឡើងខាងលើនេះឡើយ។ ប្រសិនបើសំណើប្រាក់កំចីរបស់លោកអ្នក ទទួលបានការយល់ព្រម ហើយលោកអ្នកទទួលយកនោះ លោកអ្នកប្រាកដជានឹងទទួលបានថវិកាច្រើនថែមទៀត ដែលលោកអ្នកត្រូវការសំរាប់ត្រៀមការពារទប់ទល់ទៅនឹងលក្ខខ័ណ្ឌគ្រោះមហន្ដរាយ។

ចុះបើខ្ញុំមិនមានលក្ខណៈសម្បត្ដិគ្រប់គ្រាន់សំរាប់ការស្នើសុំប្រាក់កំចីនោះ តើត្រូវធ្វើយ៉ាងដូចម្ដេចទៅ?

ចម្លើយ៖ ប្រសិនបើដូច្នោះ ដោយរួមទាំងតម្រូវការ និង ការចំណាយផ្សេងៗទាក់ទងនឹងការដោះស្រាយបញ្ហាគ្រោះមហន្ដរាយផងនោះ នឹងបញ្ជូនករណីរបស់លោកអ្នកទៅកាន់កម្មវិធីជំនួយសំរាប់តម្រូវការផ្សេងទៀត ដែលហៅកាត់ថា ONA ជាស្វ័យប្រវត្ដិ។ តាមរយៈ ONA អ្នករងគ្រោះពីបញ្ហានេះ អាចទទួលបានជំនួយបន្ថែមរបស់រដ្ឋសហព័ន្ធ សំរាប់ដោះស្រាយបញ្ហាទ្រព្យសម្បត្ដិផ្ទាល់ខ្លួន និង ការបាត់បង់យានយន្ដ មានជាអាទិ៍ៈ ជំនួយសុខាភិបាល ទន្ដពេទ្យ និង ការចំណាយសំរាប់រំលាយសាកសព និង តំរូវជាក់ស្ដែងផ្សេងៗទៀត ដោយយល់ឃើញថា លោកអ្នកមិនបានជំនួយលើសសំរាប់កំរិតអតិបរមាដែលអនុញ្ញាតិ ដូចដែលមានចែងនៅក្នុងច្បាប់ដែលមានតំលៃ $28,200 នៅក្នុងឆ្នាំសារពើភ័ណ្ឌរបស់រដ្ឋសហព័ន្ធ 2007។ ប្រសិនបើលោកអ្នក បានទទួលរហូតដល់កំរិតអតិបរមាសំរាប់ការជួសជុល ឬ ទិញថ្មីហើយនោះ លោកអ្នកមិនអាចស្នើសុំបន្ថែមបានទៀតទេ។

តើពាក្យថា តម្រូវការ និង ការចំណាយផ្សេងៗទាក់ទងនឹងការដោះស្រាយបញ្ហាគ្រោះមហន្ដរាយ មានន័យយ៉ាងដូចម្ដេច? អ្វីៗដែលបានបាត់បង់ទៅនោះ សុទ្ធតែសំខាន់ចាំបាច់សំរាប់ខ្ញុំ។

ចម្លើយ៖ សភាកុងហ្ក្រេស មិនបានគ្រោងរៀបចំសំរាប់ជំនួយគ្រោះមហន្ដរាយរបស់រដ្ឋសហព័ន្ធដើម្បីថានារាល់ការបាត់បង និង ខូចខាតនានារបស់លោកអ្នកទេ។ គោលបំណងសំខាន់នៃជំនួយប្រភេទនេះ គឹដើម្បីជួយលោកអ្នកដោះស្រាយនូវ តំរូវការចាំបាច់ ។ វាជួយដល់ការឆ្លើយទៅនឹងសំណួរ – តើលោកអ្នកត្រូវការអ្វីពិតប្រាកដ ប្រយោជន៍ទទួលបាន សន្ដិសុខ សុវត្ថិភាព និង អនាម័យ? តំរូវការទាំងនេះ អាស្រ័យលើបទពិសោធន៍របស់ជនរងគ្រោះមហន្ដរាយរាប់ពាន់ម៉ឺននាក់កន្លងមក? ក្រោយពីការចេញសេចក្ដីប្រកាសអំពីគ្រោះមហន្ដរាយរបស់ប្រធានាធិបតី អ្នកត្រួតពិនិត្យរបស់ FEMA នឹងមកដល់ផ្ទះលោកអ្នក ហើយពិនិត្យមើលទាំងទ្រព្យសម្បត្ដិពិតប្រាកដរបស់លោកអ្នក និង ធ្វើកំណត់ហេតុអំពីការខូចខាតចូលទៅក្នុងមូលដ្ឋានទិន្នន័យរបស់ពយកគេ។ សិទ្ធិទទួលជំនួយរបស់លោកអ្នក នឹងអាស្រ័យលើការពិនិត្យមើលនោះហើយ។ គ្រឿងអលង្កកា គ្រឿងតាំងលំង ប្រដាប់ចាក់ឌីស និង របស់ផ្សេងៗទៀតដែលមិនចាំបាច់ មិនអាចកត់បញ្ចូលសំរាប់ការទទួលជំនួយនោះទេ។ ដូចគ្នានេះដែរ សម្បត្ដិអចលនសំរាប់ការកំសាន្ដ ផ្ទះបន្ទាប់ និង សំណង់ខាងក្រៅ ក៏មិនមានលក្ខណៈចាំបាច់ដែរ។

តាមរយៈសារពត៌មាន ខ្ញុំឃើញមនុស្សនៅក្នុងគ្រោះមហន្ដរាយផ្សេងៗទៀត ទទួលបានជំនួយរាប់លានដុល្លារ ដើម្បីដោះស្រាយការខូចខាតរបស់ពយកគេ។ តាមពិត តើខ្ញុំអាចទទួលបានប៉ុន្មានដែរ? ខ្ញុំកំពុងគិតថា FEMA ជួយរាល់ការខូចខាតទាំងអស់។

ចម្លើយ៖ សំណួរនេះ ល្អណាស់។ ជារឿយៗ ដំណឹងតាមរយៈសារពត៌មានច្រើនតែខុស។ ទឹកប្រាក់សរុបនៃជំនួយ (ដោយមិនរាប់ទាំងកំចីពី) ដែលបុគ្គលម្នាក់ៗអាចទទួលបានពី ដើម្បីជួយដោះស្រាយបញ្ហាពីគ្រោះមហន្ដរាយមួយនោះ គឺត្រូវបាននៅត្រឹម $28,200 ខែតុលា 1, 2006។ ទឹកប្រាក់នេះ ត្រូវបានគេកែតម្រូវជារៀងរាល់ឆ្នាំ អាស្រ័យទៅលើតារាងតំលៃរបស់អ្នកប្រើប្រាស់សំរាប់មុខទំនិញទាំងអស់។ ថវិកាមួយចំនួន ដែលទទួលបានមកពី FEMA សំរាប់ដោះស្រាយបញ្ហាផ្ទះសម្បែង ឬ ONA មានរហូតដល់ទៅ $28,200។ យ៉ាងណាម៉ិញ មានជនរងគ្រោះតិចតួចប៉ុណ្ណោះ ដែលទទួលបានទឹកប្រាក់ពេញលេញ។ មុនលោកអ្នក អាចទទួលបានជំនួយពី ONA លោកអ្នកត្រូវដាក់សំណើសុំកំចីពី SBA ជាមុនសិន។ មានប្រជាពលរដ្ឋជាច្រើនមានលក្ខណៈសម្បត្ដិគ្រប់គ្រាន់ទទួលបានកំចី ហើយមិនទទួលយកជំនួយតាមរយៈ ONA ឡើយ។ នេះហើយជាមូលហេតុ ដែលធ្វើឲ្យមានអ្នករង់គ្រោះមហន្តរាយតិចតួចនាក់អាចទទួលបាននូវការផ្តល់រង្វាន់ជាជំនួយក្នុងកម្រិតអតិបរមា។ កន្លងមក នៅរដ្ឋវ៉ាស៊ីងតោន ជនរងគ្រោះទទួលបានជាមធ្យម $6,000។

ផ្ទះរបស់ខ្ញុំ បានទទួលរងការខូចខាត ខ្ញុំមិនបានទិញការធានារ៉ាប់រងទេ ហើយ SBA បដិសេធសំណើប្រាក់កំចីរបស់ខ្ញុំ។ ខ្ញុំបានទទួលជំនួយពី FEMA ដល់កំរិតអតិបរមាហើយ ប៉ុន្ដែ ខ្ញុំនៅតែត្រូវការប្រាក់ពាន់ដុល្លារបន្ថែមទៀតសំរាប់ការស្ដារឡើងវិញ។ តើអាចមានកន្លែងណាផ្សេងទៀត ដើម្បីទទួលបានជំនួយទេ?

ចម្លើយ៖ អាចមាន។ អង្គការស្ម័ក្រចិត្ដ និង ឈរលើជំនឿ ដែលធ្វើប្រត្ដិបត្ដិការនៅទូទាំងរដ្ឋ នឹងព្យយាមជួយដល់គ្រួសារទាំងឡាយណាដែលមានតំរូវការ និង ការចំណាយពាក់ព័ន្ធនឹងគ្រោះមហន្ដរាយ ក្រោយពីជំនួយរបស់រដ្ឋភិបាលត្រូវបានផ្ដល់ឱ្យរួចហើយ។ លើសពីនេះ អង្គការទាំងនេះ ធ្វើប្រត្ដិបត្ដិការរបស់ខ្លួនតាមគំរោងថវិកាមានកំរិត ហើយប្រហែលជានឹងមិនអាចជួយលោកអ្នកដោះស្រាយបញ្ហាបានពេញលេញឡើយ។ ប្រសិនបើលោកអ្នកដឹងថា លោកអ្នកស្ថិតក្នុងស្ថានភាពនេះ យកល្អត្រូវរង់ចាំថវិកាទាំងអស់របស់ FEMA បែងចែកទៅតាមអង្គការដែលយល់ប្រមជួយដល់លោកអ្នក។ អង្គការទាំងនេះ អាចជួយលោកអ្នកចេញមកជាមួយក្រុមអ្នកស្ម័ក្រចិត្ដ ប្រយោជន៍ធ្វើការងារបានងាយស្រួលជាអ្វីដែលពួកគេអាចចេញមកធ្វើការជាមួយនឹងថវិកា ដើម្បីតិញសំភារៈបរិក្ខារផ្សេងៗ។ ធ្វើការងារជាមួយនឹងថវិការបស់លោកអ្នកបានពី FEMA និង ការងារស្ម័គ្រចិត្ដ លោកអ្នក ប្រាកដជានឹងយល់បានអំពីកំរិតជំនួយយ៉ាងច្រើនសន្ធឹកសន្ធាប់។ កម្មវិធីរបស់អង្គការទាំងនេះ ផ្ដល់នូវជំនួយដល់ជនរងគ្រោះ ដោយមិនគិតអំពីលក្ខខ័ណ្ឌដែលរដ្ឋទទួលបានជំនួយសហព័ន្ធឬក៏អត់។ និយាយឱ្យខ្លី គឹថា ជាទូទៅពួកអាចមកជួយដោះស្រាយបាននូវ តំរូវការសំខាន់ៗជាច្រើន។

វាមិនដូចគ្នាទៅនឹងអ្វីដែលការពឹងលើជំនួយរបស់រដ្ឋសហព័ន្ធ ជាគំនិតមួយល្អនោះទេ ផ្ទុយមកវិញ តើខ្ញុំធ្វើដូច្នោះបានទេ?

ចម្លើយ៖ សំណួរនេះល្អណាស់! ... ដោយផ្នែកលើជំនួយផ្សេងៗទៀតដើម្បីជួយសង្គ្រោះបន្ទាន់នៅក្នុងស្ថានភាពអាក្រក់ មិនមែនជាផែនការមួយល្អនោះទេ តាមពិតទៅវាមិនមែនជាផែនការអ្វីទាំងអស់។ ឱកាសល្អបំផុតសំរាប់ការសង្គ្រោះ ក្រោយពីគ្រោះមហន្ដរាយមួយកើតឡើងដោយសាររឿង៣យ៉ាងៈ

ត្រូវរៀបចំផែនការ និង ត្រៀមខ្លួនជាមុខចំពោះបញ្ហាគ្រោះមហន្ដរាយ។ ការិយាល័យគ្រប់ក្រងការសង្គ្រោះបន្ទាន់នៅតាមមូលដ្ឋានអាចជួយបាន ហើយនៅមានពត៌មានជាច្រើនទៀតនៅលើអ៊ីនធឺណែត។
ចូរទិញការធានារ៉ាប់រង ប្រយោជន៍ការពារលោកអ្នកពីមហន្ដរាយនៃការខាតបង់លុយកាក់ ដែលកើតមានឡើង។ Iការធានារ៉ាប់រង គឺជាវិធីមួយដើម្បីបង្កើតឱ្យមានការសង្គ្រោះផ្នែកហិរញ្ញវត្ថុ។ លោកអ្នកអាចគិតថា ការធានារ៉ាប់រងនោះថ្លៃណាស់ ប៉ុន្ដែត្រូវពិចារណាលើជំរើសដែលគ្មានវា។
នេះគឺជាការណែនាំមួយៈ លក្ខខ័ណ្ហសំរាប់លោកអ្នកជាម្ចាស់លំនៅដ្ឋានមិនធានាលើទឹកជំនន់ ការរញ្ជួយផែនដី ការបាក់ដី ស៊ឺណាមី និង ព្យុះហារីខេន។ លោកអ្នក នឹងត្រូវការលក្ខខ័ណ្ឌពិសេសៗសំរាប់ដោះស្រាយបញ្ហហានិភ័យនេះ។ ហើយក៏សូមគិតទុកក្នុងចិត្ដថា លក្ខខ័ណ្ឌធានារ៉ាប់រងលើទឹកជំនន់របស់លោកអ្នក នឹងបំរើលោកអ្នករហូត ថ្ងៃក្រោយពីការចេញប័ណ 30 ឱ្យ។
ប្រកាន់យកការទទួលខុសត្រូវ ហើយធ្វើអ្វីដែលលោកអ្នកដឹងថាលោកអ្នកត្រូវការធ្វើដើម្បីការពារខ្លួនឯងផ្ទាល់ និង ក្រុមគ្រួសារ។ មិនត្រូវបោះបង់ចោលការត្រួតត្រាលើជីវិតរបស់លោកអ្នក ដើម្បីងអ្នកផ្សេងទៀត ដោយបន្សល់ទុកលើនូវភាពងាយរងគ្រោះរបស់លោកអ្នក។

សំរាប់ពត៌មានបន្ថែមសូមទំនាក់ទំនាក់ អ្នកចាត់ចែងកម្មវិធីតាមរយៈលេខ (253) 512-7076។


ភាសាអង់គ្លេស	ភាសាអេស៉្បាញ	ភាសារុស្ស៊ី	ភាសាចិន	ភាសាកូរ៉េ	ភាសាវៀតណាម	ភាសាខ្មែរ